Nýjasti heilsupistill heilsuverndar ber yfirskriftina ferðalög og heilsa og er þar fjallað um mikilvægi þess að leita sér upplýsinga um heilsuvernd og bólusetningar áður en haldið er í ferðalag til annarra heimsálfa, s.s. Afríku, Asíu og S-Ameríku. Í pistlinum er einnig sett fram með hnitmiðuðum hætti algeng vandamál/sjúkdómar og mikilvæg atriði sem hafa þarf í huga þegar ferðast er um heiminn. HÉR má nálgast pistilinn í heild sinni.

Velferðarráðuneytið stendur fyrir opinni ráðstefnu um snemmtæka íhlutun í málefnum barna á Íslandi, SIMBI, þann 8. maí n.k. á Hilton Reykjavík Nordica kl. 9.-16. Aðgangur að ráðstefnunni er öllum opinn og ókeypis. Streymt verður frá ráðstefnunni. Á Akureyri verður streymt á skjá í salnum Hömrum í Hofi frá kl.9-16. Eru Akureyringar og nærsveitarmenn hvattir til að nýta sér aðstöðuna í Hömrum í Hofi því þannig geta þeir t.d. tekið þátt í umræðum sín á milli á vinnufundi ráðstefnunnar (sjá dagskrá). Vinsamlega takið daginn frá, hægt er að skoða dagskrá og skrá sig á: www.hof-radstefna.is

Í nýjasta heilsupistli frá Heilsuvernd er legslímuflakk (endometríosa) til umfjöllunar. Með hnitmiðuðum hætti er sagt frá hvað legslímuflakk er, hver helstu einkenni eru, hvernig hægt er að greina hana og hver meðferðarúrræðin eru. Fyrir áhugasama má nálgast pistilinn í heild sinni með því að smella HÉR.

Vakin er athygli á endurútgáfu bæklings á íslensku, ensku og pólsku þar sem farið er yfir skilgreiningu kynbundinnar áreitni, kynferðislegrar áreitni og ofbeldis. Sett eru fram dæmi um hegðun sem fellur undir þessar skilgreiningar og hverjar skyldur atvinnurekenda vegna slíkrar hegðunar er. Að bæklingnum standa ASÍ, BSRB, KÍ, BHM, Jafnréttisráð og Jafnréttisstofa

Í nýjasta heilsupistli Heilsuverndar er fjallað um kólesteról - þar er að finna gagnlegar upplýsingar um slæmt kólesteról, gott kólesteról og hvernig hægt er að lækka kólesteról. Áhugasamir geta kynnt sér pistilinn með því að smella HÉR.

Dansbylting gegn kynbundnu ofbeldi í Hofi 16. mars kl. 12.00 í boði UN Women á Íslandi. Ofbeldi gegn konum er vandamál um allan heim – tökum afstöðu gegn ofbeldinu, mætum og dönsum! Upplýsingar um viðburðinn má finna á Facebook. Milljarður rís er dansbylting sem haldin er víða um heim. Með samtakamætti lætur heimsbyggðin til sín taka. Yfir milljarður karla, kvenna og barna kemur saman til að dansa fyrir réttlæti, fyrir heimi þar sem allir fá að njóta sömu tækifæra án ótta við ofbeldi. Í krafti #MeToo byltingarinnar hafa konur úr ólíkum geirum stigið fram og lýst því kynbundna ofbeldi og kynferðislegu áreitni sem þær hafa þurft að þola. Byltingin er hafin og ofbeldi í garð kvenna verður ekki lengur liðið. Nú er því komið að því – í Hofi verða sláandi frásagnir kvenna af kynbundnu ofbeldi fluttar. Í sjötta sinn ætlum við að sameinast í yfir 200 löndum og dansa fyrir þolendur kynbundins ofbeldis og sýna þeim samstöðu. Í fyrra komu saman um fjögur þúsund manns á öllum aldri um allt land í tilefni af Milljarður rís. Dansað var af krafti um allt land; í Reykjavík, Akureyri, Seyðisfirði, Reykjanesbæ, Neskaupstað, Höfn í Hornafirði, Egilsstöðum og Borgarnesi. Samtakamátturinn var allsráðandi! Af gefnu tilefni hvetur UN Women á Íslandi alla til að senda smsið KONUR í 1900 (1900 kr.) og lýsa upp myrkur Róhingjakvenna í Bangladess sem þurft að þola ofsóknir og gróft ofbeldi. #fokkofbeldi #milljardurris18

Árshátíð Akureyrarbæjar verður haldin þann 17.mars 2018 í íþróttahöllinni á Akureyri. Þemað er diskó og veislustjóri er Jóhannes Ásbjörnsson. Hljómsveitin Hamrabandið mun svo sjá um að skemmta árshátíðargestum. Húsið opnar kl. 18:30 og hátíðin verður formlega sett kl. 19:00. Árshátíðarnefndin sendi frá sér í dag skemmtilegt myndband en þar má sjá Eirík Björn Björgvinsson bæjarstjóra ásamt starfsfólki ráðhússins gera sig tilbúin fyrir Árshátíðina.