Nú er námskeiðshald að fara á fullt á hinum ýmsu stöðum. Símenntunarmiðstöð Eyjafjarðar (SÍMEY) býður til að mynda upp á fjölbreytt námskeið. Á haustönn eru mörg spennandi tómstunda- og vinnustaðatengdnámskeið sem eru félagsmönnum í Einingu-Iðju, Kili og Sameyki að kostnaðarlausu.

Allt starfsfólk á rétt á því að komið sé fram við það af virðingu og að það hafi tækifæri til að sinna störfum sínum án þess að eiga á hættu einelti, kynferðislega áreitni, kynbundið áreitni eða annarskonar ofbeldi. Það er á ábyrgð okkar allra að líða ekki óæskilega hegðun á vinnustöðum Akureyrarbæjar og ef við verðum vör við slíka hegðun þá ræðum við málið og komum upplýsingum til yfirmanns eða annara sem geta tekið á málinu.

Starfsfólk Akureyrarbæjar hefur aðgang að flottu námskeiði frá Akademias sem ber heitið Vakinn. Vakinn inniheldur áfanga um hvatningu, streitustjórnun og betri svefn. Námið er hannað með það að markmiði að undirbúa fólk til að takast á við erfiða tíma.

Við minnum á síðuna Tilboð og afslættir hér inn á starfsmannahandbókinni. Nýtt tilboð í heilsurækt var að bætast við:

Félag stjórnmálafræðinga og Félagsfræðingafélag Íslands standa saman fyrir ráðstefnu í samstarfi við Stofnun stjórnsýslufræða og stjórnmála þann 21. ágúst 2020. Kynntar verða nýjar rannsóknir á sviði félagsvísinda um afleiðingar kóvid á íslenskt samfélag og stendur dagskráin frá kl.14:30 til 17:00. Viðburðinum verður streymt á netinu. Hægt er að nálgast link á Facebook síðu viðburðarins HÉR.

Við minnum á samfélagssáttmálann vegna hertra aðgerða stjórnvalda. Förum eftir leiðbeiningum og sigrum þetta saman.

Landlæknisembættið gefur út/viðheldur yfirliti yfir skilgreind áhættusvæði og upplýsingar um útgefin tilmæli um sóttkví við heimkomu frá útlöndum. Upplýsingar þar að lútandi er að finna á heimasíðu embættisins www.landlaeknir.is á slóðinni https://www.landlaeknir.is/um-embaettid/greinar/grein/item39194/Skilgreind-ahaettusvaedi---Defined-high-risk-areas. Akureyrarbær hefur sett fram verklag byggt á þeim viðmiðum sem um sóttkví eru settar hverju sinni og varðar orlofsferðir starfsfólks erlendis. Í verklaginu er tiltekin tilkynningaskylda starfsmanns til yfirmanns, upplýsingaskyldu við heimkomu og fjarvistaskráningu vegna orlofsferðar erlendis. Verklagið er að finna í spurt & svarað v. COVID-19 og með því að smella HÉR. Hyggist starfsmaður ferðast erlendis ber honum að tilkynna vinnuveitenda um áætlaða ferð sína. Starfsmaður sem velur að fara utan og dvelja erlendis þrátt fyrir vitneskju um að hann muni fara í tveggja vikna sóttkví að ferð lokinni eða fara í sýnatöku í landamæraskimun og þurfi að fylgja reglum/tilmælum um sóttkví, þar til seinni skimun á sér stað, skal tilkynna það til yfirmanns og sækja um orlof eða launalaust leyfi fyrir tímabil í sóttkví og/eða á meðan beðið er eftir niðurstöðu úr sýnatöku áður en ferð hefst.

Í dagatali Heilsuverndar fyrir júlí-mánuð er þemað seigla undir yfirskriftinni "Við getum ekki stjórnað því sem gerist, en við getum valið hvernig við bregðumst við." Seigla er getan til þess að takast á við erfiðar aðstæður og ná "vopnum" sínum aftur í kjölfar þeirra. Ein framsetning þess er sú að gefast ekki upp þó að vindar kunni að vera manni sjálfum óhagstæðir. Það sem grundvallar seiglu eru eiginleikar sem hægt er að temja sér og má þar nefna sem dæmi eiginleika eins og sveigjanleiki, aðlögunarhæfni, trú á eigin getu og bjartsýni. Endilega kynnið ykkur dagatalið: Seigla - dagatal