Tillögur vinnuhóps um íbúalýðræði og gagnsæja stjórnsýslu

Vinnuhópur um íbúalýðræði og gagnsæja stjórnsýslu skilaði tillögum sínum til bæjarráðs í júlí og munu niðurstöður vinnuhópsins verða teknar til umræðu í bæjarstjórn í september.

Meðal þess sem vinnuhópurinn leggur til er:

• Að sett verði í forgang vinnuferli þannig að mögulegt verði að taka upp persónukjör í kosningum til sveitarstjórna vorið 2018.
• Að unnin verði upplýsingastefna fyrir Akureyrarbæ og rafræn samskipti við íbúa formgerð.
• Að stofnað verði íbúaráð
• Að fjölga bæjarfulltrúum
• Að haldnir verði íbúafundir í aðdraganda fjárhagsáætlunargerðar
• Að tekin verði upp vinnubrögð þátttökufjárhagsáætlunargerðar

Vinnuhópinn skipuðu Andrea Hjálmsdóttir, Albertína Friðbjörg Elíasdóttir og Guðmundur Heiðar Frímannsson.

Tillögur hópsins má finna í fundargerð bæjarráðs frá 14. júlí sl.