- Starfsmannahandbók
- Kjaramál
- Skjalakerfi og tölvumál
- Tilboð og afslættir
- Ritstjórn
Sjötta árið í röð sóttu starfsmenn grunnskóla Akureyrarbæjar námskeið í SÍMEY á starfsdögum skólanna í ágúst. Mikil ánægja hefur verið með þetta námskeið og má segja að það sé orðið hluti af starfsdögum grunnskólanna.
Námskeiðið er hluti af fræðsluáætlun sem skipulögð var í samstarfi við SÍMEY í kjölfar MARKVISS þarfagreiningarverkefnis fyrir starfsfólk skólanna. Tilgangurinn með námskeiðinu er að efla og hvetja starfsmenn í kröfuhörðum störfum fyrir komandi vetur.
Námskeiðið var haldið dagana 17. til 20. ágúst og í þetta sinn tóku um 120 starfsmenn þátt í níu klukkustunda námskeiði þar sem meðal annars var fjallað um samskipti á vinnustað, frímínútnagæslu og leikjastjórnun, og reiðistjórnun/agastjórnun.
Auk þess bauðst öllum þátttakendum að sækja viðtal hjá náms- og starfsráðgjafa til að skoða frekari möguleika til sí- og endurmenntunar að námskeiði loknu.
Styrktaraðilar námskeiðsins eru fræðslusjóðirnir Mannauðssjóður Kjalar og Sveitamennt.