Slippfélagið - vildarkjör fyrir starfsfólk Akureyrarbæjar

Slippfélagið býður starfsfólki Akureyrarbæjar vildarkjör á málningu. Kjörin eru mismunandi eftir vöruflokkum en eru í öllum tilfellum bestu kjör sem Slippfélagið býður.

Af vörum framleiddum af Slippfélaginu er lágmarksafsláttur 40%.
Vildarkjörin gilda einnig á listamannavörum.

Nægjanlegt er að taka fram í viðskiptunum að viðkomandi starfi hjá Akureyrarbæ.

Slippfélagið var stofnað í mars 1902. Í upphafi einskorðaðist starfsemin við skipaviðgerðir og tengd verkefni en árið 1951 hóf félagið framleiðslu á málningu og í dag er Slippfélagið annar af tveim íslenskum málningarframleiðendum. Fyrirtækið er í eigu íslenskra aðila. Uppistaða af vörulínu þeirra er íslensk framleiðsla Slippfélagsins auk innfluttra málningarvara frá Jotun í Noregi og Alcro í Svíþjóð, auk tækja til málningarvinnu frá Graco. Slippfélagið býður því upp á mjög breiða vörulínu hvort sem er fyrir húsadeild eða iðnað. Einnig er Slippfélagið einn stærsti innflutningsaðili landsins á vörum fyrir myndlistafólk og eru þar stærst Daler-Rowney og Lukas.

Vörur Slippfélagsins hafa verið seldar á Akureyri í yfir hálfa öld, lengi vel hjá fyrirtækinu Köfun. Árið 1998 stofnaði Ingimar Friðriksson ásamt fjölskyldu sinni fyrirtækið Litaland og hóf sölu á vörum Slippfélagsins, fjöldi fagmanna, fyrirtækja og einstaklinga hóf í framhaldinu að versla við fyrirtækið. Það var síðan árið 2012 að Slippfélagið keypti rekstur Litalands og nú á haustdögum opnaði fyrirtækið nýja og glæsilega verslun undir nafni Slippfélagsins á Gleráreyrum 2  Akureyri.