Mannauðsstefna Akureyrarbæjar - atvinnurekstur eða umboðsstarfsemi starfsmanna

Samkvæmt mannauðsstefnu Akureyrarbæjar er starfmönnum óheimilt að stofna til eigin atvinnurekstrar eða umboðsstarfsemi, gegna starfi í þjónustu annarra eða ganga í stjórn atvinnufyrirtækis, nema með leyfi yfirmanns.

Þá er starfsfólki óheimilt að stunda starfsemi sem telja má að sé í samkeppni við starfsemi bæjarins eða vinnustað viðkomandi.

Starfsmenn Akureyrarbæjar verða að hafa í huga almennar hæfisreglur sem gilda um starfsmenn sem fara með mál innan stjórnsýslunnar eða við gerð samninga um kaup, sölu eða verktöku.