Lífshlaupið fer vel af stað

Núna er vika síðan lífshlaupið byrjaði, 2 vikur eftir og nægur tími enn til að skrá sig.

Skráning fer fram hér https://www.lifshlaupid.is/

Stundum er erfitt að koma sér af stað í hreyfingu, sérstaklega þegar það er dimmt og kalt í veðri en þá er gott að nýta sér Lífshlaupið sem ástæðu til þess að koma sér af stað. Eins fyrir þá sem eru duglegir að hreyfa sig eða eru með keppnisskap yfir meðallagi þá er þetta skemmtilegt, skrá mínúturnar sínar og hvetja liðið sitt áfram til árangurs og heilsueflingar. Lífshlaupið snýst jú aðallega um það að hvetja alla til þess að hreyfa sig daglega sér til heilsueflingar.

Því hreyfing bætir, hressir og kætir.