Dagana 9. - 29. maí stóð Íþrótta- og Ólympíusamband Íslands fyrir vinnustaðakeppninni Hjólað í vinnuna í
tíunda sinn. Meginmarkið Hjólað í vinnuna var að vekja athygli á virkum ferðamáta sem heilsusamlegum, hagkvæmum og umhverfisvænum
samgöngumáta.
Íþróttaráð hvatti fyrirtæki og einstaklinga á Akureyri til þátttöku í verkefninu og taka þannig þátt
í að auka almenna lýðheilsu Akureyringa. Á fundi sínum 26. apríl sl. samþykkti íþróttaráð að veita
viðurkenningu þeim vinnustað Akureyrarbæjar sem stæði sig best í átakinu Hjólað í vinnuna.
Íþróttaráð fagnar góðri þátttöku Akureyringa í átakinu, sem m.a. skilaði sveitarfélaginu í annað
sæti í heildarstigakeppni sveitarfélaga. Íþróttaráð hyggst veita leikskólanum Pálmholti, Síðuskóla og
Amtsbókasafninu viðurkenningu fyrir mjög góðan árangur í átakinu Hjólað í vinnuna 2012.