Breyting á viðbótarlífeyrissparnaði

Alþingi samþykkti rétt fyrir jól að breyta tekjuskattslögum á þann veg að heimild til frádráttar iðgjalda í viðbótarlífeyrissparnað frá tekjuskattsstofni verður 2% í stað 4% næstu þrjú ár, þ.e. frá 1. janúar 2012 til 31. desember 2014.

Í 30. gr. nýsamþykktra laga frá Alþingi segir m.a.:

Þeir sem annast iðgjaldaskil samkvæmt samningum um viðbótartryggingarvernd og séreignarsparnað á tímabilinu 2012-2014 skulu þrátt fyrir ákvæði umræddra samninga draga að hámarki 2% af iðgjaldsstofni rétthafa nema hann óski sérstaklega eftir því að hlutfall iðgjalds verði hærra.

Með þessu ákvæði er tryggt að starfsmenn þurfa ekki að gera breytingar á samningum sínum um viðbótarlífeyrissparnað til að lækkun framlags þeirra  í 2 % komi til framkvæmda frá áramótum.

Starfsmannaþjónustan mun því  lækka framlag launþega í viðbótarlífeyrissparnað í 2% af launum frá og með 1. janúar 2012 en óbreytt er að mótframlag vinnuveitanda er 2% á móti samsvarandi framlagi launþega.

Í þeim tilfellum sem starfsmenn hafa greitt í tvo mismunandi séreignarsjóði verður framlag lækkað í 1% í hvorn sjóð.