Boð í Rósenborg og sund

Boð í Rósenborg  og sund

Samfélags- og mannréttindadeild býður allt starfsfólk Akureyrarbæjar velkomið í Rósenborg miðvikudaginn 27. maí milli kl. 16 og 18.  Rósenborg var áður Barnaskóli Akureyrar en þjónar nú  sem möguleikamiðstöð með fjölbreyttu starfi.

Meðal þess sem boðið verður upp á:

• Gamlir og nýir leikir á skólalóðinni
• Punkturinn opinn og hægt að leggja hönd að verki
• Listasalurinn Bragi opinn og listamaður að störfum
• Opið í salnum á efstu hæð og myndir frá starfseminni
• Hægt að ganga um og skoða allt húsið – og fyrir suma að rifja upp gamlar minningar
• Boðið upp á kaffi, safa og smáhressingu

Í lokin er svo tilvalið að fá sér sundsprett eða slappa af í pottunum í Sundlaug Akureyrar.
Miðar verða afhentir í Rósenborg

Starfsfólki er velkomið að taka með börn og aðra úr fjölskyldunni.

Þessi viðburður er annar í röðinni eftir að ákveðið var að deildir bæjarins skiptust á að skipuleggja sameiginlega viðburði fyrir starfsfólk.  Starfsmannaþjónstan hóf leikinn sl. haust og bauð upp á gönguferð um Oddeyri.