12.október er bleikur föstudagur!

Bleikur föstudagur!

Bleikur föstudagur! Október er mánuður bleiku slaufunnar og árveknis- og fjáröflunarátaks Krabbameinsfélags Íslands gegn krabbameinum hjá konum. Af því tilefni biður Krabbameinsfélag Íslands alla landsmenn um að klæðast einhverju bleiku föstudaginn 12. október eða hafa bleikan lit í fyrirrúmi þann dag. Með því sýnum við samstöðu í baráttunni.

Bleiki dagurinn  hefur notið mikilla vinsælda undanfarin ár - ekki síst á vinnustöðum og skólum þar sem fjöldinn allur hefur brugðið á leik. Keppnir hafa verið haldnar um skemmtilegasta klæðaburðinn, flottustu bleiku kræsingarnar og ýmislegt annað. Við hvetjum fólk til að njóta dagsins saman og vekja um leið athygli á árveknisátakinu. Ef ykkur vantar bleikar vörur eða hugmyndir að bleikum degi, bendum við á síðuna www.krabb.is Hægt er að senda myndir á laila@krabb.is eða setja inn á  http://www.facebook.com/bleikaslaufan.

Starfsfólk Akureyrarbæjar er hvatt til að taka deginum létt og klæðast bleiku til tákns um samstöðu í baráttunni gegn krabbameini hjá konum!