Fréttir

Settar hafa verið upp tvær nýjar söguvörður í Grímsey. Á annarri þeirra er fjallað almennt um eyjuna og byggðina þar en á hinni um velgjörðarmann Grímseyinga, Daniel Willard Fiske. Söguvörðurnar eru sambærilegar við þær sem settar hafa verið upp á Akureyri en skiltin eru unnin af Akureyrarstofu og Minjasafninu á Akureyri fyrir styrk sem Kvenfélag Grímseyjar hlaut úr Menningarsjóði Eyþings.

Árlegir Grímseyjardagar verða haldnir 5. - 7. júní. Þá gera Grímseyingar sér glaðan dag, taka á móti gestum úr landi, bjóða upp á hnossgæti úr hafinu og kynna fyrir fólki grímseyska siði og venjur. Á þessum tíma árs er einmitt mjög góður tími til að heimsækja eyjuna.

Mikið er um bjargfugla í Grímsey og er þar löng hefð fyrir eggjatöku. Vegna kulda í vor hefur eggjatökunni seinkað talsvert eða um 10 daga.

Fyrirhuguðum fundi sem halda átti í Grímsey á morgun, miðvikudaginn 28. janúar, og blaðamannafundi á Akureyri morguninn eftir, hefur verið aflýst af óviðráðanlegum orsökum.

Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 652/2014 um úthlutun byggðakvóta til fiskiskipa á fiskveiðiárinu 2014/2015:

Á morgun, þriðjudaginn 11. nóvember, verður haldið upp á fæðingardag velgjörðarmanns Grímseyinga, Bandaríkjamannsins Daniels Willards Fiske, en sá dagur er ávallt haldinn hátíðlegur í Grímsey.

Árni Georgsson skellti sér í sjósund norður fyrir heimskautsbauginn í Grímsey með tengdaföður sínum fyrir skemmstu og var alsæll með upplifunina. "Sveinn tengdafaðir minn hafði áður synt í Suður-Íshafinu og því fannst honum gráupplagt að loka hringnum með því að synda líka í Norður-Íshafinu," sagði Árni í viðtali við Akureyri.is.

Tökulið á vegum BBC var í Grímsey í júlí að taka upp sjónvarpsefni um lífríki eyjarinnar. Þeir komu einnig í vor og tóku myndir þegar eggjatínsla stóð sem hæst. Upptökurnar í Grímsey verða hluti af kvimyndinni "Fótspor risanna" sem fjallar um mannlíf og náttúru Íslands ...

Sífellt fleiri ferðamenn leggja leið sína til Grímseyjar og eru helstu ástæðurnar heimskautsbaugurinn, lundabyggðin og sólarlagið. Í sumum tilvikum er erindið þó annað. Bandaríkjamennirnir Virginia Mahacek og Harold Schamback voru búin að stefna að Íslandsferð lengi og þegar stundin loksins rann upp, ákváðu þau að láta pússa sig saman í leiðinni.

Í sumar var haldið námskeið fyrir grunnskólabörn í Grímsey og var áherslan á skrímsli og kynjaskepnur. Unnið var út frá bókinni "Íslenskar kynjaskepnur" eftir Jón Baldur Hlíðberg og Sigurð Ægisson og var leiðbeinandi námskeiðsins Brynhildur Kristinsdóttir.

Undanfarið hafa verið miklar framkvæmdir í gangi í Grímsey. Búið er að leggja nýtt slitlag á flugbrautina og á veginn frá flugvellinum og að höfninni.