Þjónusta

Arctic Trip var stofnað 2015 af frumkvöðlinum Höllu Ingólfsdóttur. Halla er með um 20 ára reynslu sem leiðsögumaður á Norðurlandi með áherslu á Eyjafjarðarsvæðinu og Grímsey. Ferðaskrifstofan býður upp á fjölbreytt úrval ferða og samstarf við heimafólk á hverjum stað.

Búðin í Grímsey er eina verslunin í eyjunni sem selur nauðsynjar og matvöru.

Í Sólbergi í „miðbæ“ Grímseyjar beint ofan við höfnina er handverkshús grímseyskra kvenna. Opið á ferjudögum yfir sumartímann; mánudaga, miðvikudaga og föstudaga meðan ferjan bíður. Þar er boðið upp á grímseyskt handverk og handavinnu frá fastalandinu

Gistiheimilið er við heimskautsbauginn og við hlið flugstöðvarinnar. Boðið er upp á 8 herbergi, 16 uppbúin rúm eða svefnpokapláss með eða án morgunmatar.

Gistiheimilið er í Sólbergi, á efri hæðum Gallerí Sólar. Gistiheimilið er fallega staðsett við lífæðina, höfnina miðsvæðis í þorpinu.

Sveinsstaðir í Grímsey býður upp á heimagistingu. Alls eru 9 herbergi í boði í nýlega uppgerðu einbýlishúsi.

Kort og bæklingar fyrir ferðamenn á Akureyri, Grímsey og Hrísey eru aðgengilegir í Sundlaug Akureyrar, Amtsbókasafninu og Listasafninu á Akureyri.

Engar almenningssamgöngur eru í Grímsey né leigubílar, en hægt er að bóka far um eyjuna með nyrstu og mögulega einu lest Íslands.

Kvenfélagskonur bjóða upp á mat og kaffihlaðborð fyrir hópa í Félagsheimilinu Múla. Þar er einnig hægt að panta svefnpokapláss fyrir hópa.

Póstafgreiðsla er í Gallerí Sól og fylgir því opnunartíma búðarinnar

Sundlaugin í Grímsey er opin 4 daga í viku. Þetta er innanhússlaug þar sem hita þarf upp allt vatn í eyjunni. Laugin er 12.6 x 6 metrar, einnig er heitur pottur, snyrtingar og sturtur.