Afþreying

Nokkur skilti eru í eyjunni sem greina frá sögu staðarins, áhugaverðum stöðum og fleira sem gaman er að lesa bæði fyrir og á meðan heimsókn stendur.

Engar almenningssamgöngur eru í Grímsey né leigubílar, en hægt er að bóka far um eyjuna með nyrstu og mögulega einu lest Íslands.

Folf, eða frisbígolf er íþrótt sem nýtur sí meiri vinsælda og er 9 holu völlur í Grímsey.

Grímsey býður upp á mikla nálægð við fuglalíf og hægt er að fara í ferðir í kringum eyna og sömuleiðis er hægt að fara á sjóstöng. Ferðirnar eru mislangar, allt frá 60 mínútum upp í heilan dag.

Leiðsögn um Grímsey er í boði allt árið. Í ferðunum er farið er yfir sögu Grímseyjar, fuglalífið, lifnaðarhætti og farið yfir heimskautsbauginn. Innifalið er viðurkenningarskjal um að hafa farið yfir heimskautsbauginn.

Fuglalífið í Grímsey er einstakt og eru fjölmargar tegundir á eynni sem eru í þéttbýlum byggðum. Margar ástæður eru fyrir því að fuglalíf dafnar vel á eynni; stutt er í ríkar veiðilendur, engar rottur eða refir og veiði á fuglum og eggjasöfnun hefur verið mjög takmörkuð með tímanum.

Í Grímsey er að finna lítinn þriggja holu golfvöll sem er staðsettur við heimsskautsbauginn rétt hjá flugvellinum. Möguleiki er á að fá leigan búnað til golfiðkunar í gistiheimilinu Básum sem staðsett er við golfvöllinn.

Grímsey er 5,3 km3 og um 5.5 km að lengd. Eyjan er tiltölulega flöt, lægst að vestan við þorpið en hæst að austan þar sem hún rýs í um 105 metra yfir sjávarmáli. Á eyjunni er hægt að velja um nokkrar göngule

Heimsækið heimamenn og kynnist því hvernig er að búa á þessum nyrsta hluta Íslands.

Í Grímsey eru aðstæður kjörnar til fjallahjólreiða. Landslagið er mjúkt og er þar að finna ýmist slóða, stíga og vegi. Slóðirnar er að finna á austanverðri eynni, á meðan stígar eru á vesturhlið hennar. Malbikaðir vegir eru í bænum en malarvegir utan hans.

Sjórinn umhverfis Grímsey er tær og hreinn og því er þar að finna kjöraðstæður til köfunar. Kafarar geta notið fjölbreytts dýralífs og gróðurs ásamt þeirri einstöku upplifun að kafa með sjófuglunum. Besti tíminn til að sjá fuglana er frá miðjum apríl og fram í miðjan júlí. Sjórinn í kringum Grímsey er mjög kaldur en hitastigið er 8°C á sumrin og fer í 4°C á veturna.