Folf við Heimskautsbaug

Myndir: Haukur Hauksson

Í vikunni stóð Kiwanisklúbburinn Grímur að uppsetningu folfvallar í Grímsey.

Folf er íþrótt sem er nokkurs konar bræðingur af frisbí og golfi. Þar reyna menn að kasta frisbí-diskum í sérútbúnar körfur á þar til gerðum völlum og reyna menn að fara hverja braut í sem fæstum köstum. Íþróttin nýtur vaxandi vinsælda á Íslandi og er völlurinn í Grímsey nýjasta viðbótin við slíka velli hérlendis.

Völlurinn er með 9 körfum og gerir íbúum og gestum kleift að stunda þessa skemmtilegu íþrótt í námunda við heimskautsbauginn. 

Myndirnar hér að neðan eru frá uppsetningu vallarins og af þeim vaska hópi sem kom að verkinu. 

Verkefnið var styrkt af Brothættum byggðum.