Bókavörður með tölvuumsjón (laust starf hjá Amtsbókasafninu)
Amtsbókasafnið á Akureyri: Bókavörður með tölvuumsjón
Amtsbókasafnið - Fullt starf
Umsóknarfrestur: 26.03.2025
Amtsbókasafnið á Akureyri óskar eftir að ráða bókavörð með tölvuumsjón. Vinnutími er daglega frá hádegi til klukkan 19:00 virka daga og fjórða hvern laugardag á veturna. Um ótímabundið starf er að ræða í allt að 100% starfshlutfalli. Starfið er laust nú þegar.
Amtsbókasafnið er staður sem tekur á móti 300-400 gestum daglega. Þeir eru af öllum gerðum og stærðum og starfsmenn leggja sig fram við að koma til móts við óskir þeirra og hugmyndir, hvort sem það er að lána þeim bók, blað eða bökunarform. Einnig eru allskyns klúbbar, viðburðir og sprell hluti af vinnunni.
Við erum sjálf ólík og allskonar og það gerir vinnuna okkar betri og léttari, því ef við værum öll eins, eins og hver ættum við að vera? Nú vantar okkur morgunsvæfan tölvunörd til að bætast í hópinn.
Viltu vita meira? Kíktu í rafræna heimsókn https://www.amtsbok.is
Helstu verkefni eru:
- Almenn móttaka og afgreiðsla gesta bókasafnsins, annast útlán, skil, aðstoð við leit að safnefni, upplýsingum og þeim heimildum sem gestirnir óska eftir, bæði á staðnum og stafrænt.
- Skráning nýrra viðskiptavina, innheimta gjalda og skulda.
- Uppsetning og viðhald á tölvubúnaði og forritum. Að sjá til þess að búnaður virki svo sem til er ætlast og notendur njóti hnökralaust þeirrar tölvuþjónustu sem safnið býður upp á.
- Aðstoð við aðra starfsmenn og gesti í tölvu- og hugbúnaðarmálum.
- Aðstoð við innkaup á tölvuvörum, hugbúnaði.
- Aðstoð við uppsetningu á sýningum, fyrirlestrum og viðburðum.
- Uppröðun á safnefni sem kemur inn og er í notkun yfir daginn.
- Önnur tilfallandi verkefni á safninu.
Menntunar- og/eða hæfniskröfur:
- Stúdentspróf eða önnur sambærileg menntun sem nýtist í starfi.
- Víðtæk tölvukunnátta, kunnátta til að framkvæma breytingar á hugbúnaði tölva og minni háttar viðgerðir.
- Færni í íslensku og ensku, bæði töluðu og rituðu máli og einu norðurlandamáli.
- Frumkvæði og sjálfstæði í vinnubrögðum.
- Lipurð í samskiptum og rík þjónustulund.
- Jákvæðni og sveigjanleiki.
- Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
Tekið verður tillit til Mannréttindastefnu Akureyrarbæjar um jafnréttismál við ráðningu í starfið.
Laun eru samkvæmt kjarasamningi Sambands íslenskra sveitarfélaga og Kjalar.
Upplýsingar um kaup og kjör veitir launadeild Akureyrarbæjar: launadeild@akureyri.is
Nánari upplýsingar um starfið veitir Hólmkell Hreinsson í síma 460-1253 og 862-6882, netfang holmkell@amtsbok.is
Einungis er tekið á móti rafrænum umsóknum.
Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.
Umsóknarfrestur er til og með 26. mars 2025.
