Velferðarráð

Halldór S. Guðmundsson framkvæmdastjóri Öldrunarheimila Akureyrar lagði fram yfirlit um fjölda einstaklinga sem metnir eru af færni- og heilsumatsnefnd í þörf fyrir dvalar- og hjúkrunarrými þann 1. október 2017 ásamt upplýsingum um fjölda umsækjenda á biðlista eftir dagþjálfun.

Framkvæmdastjóri ÖA, Halldór S. Guðmundsson, lagði fram og kynnti svör velferðarráðuneytisins dagsett 4. janúar 2018 við erindi ÖA þar sem óskað var eftir að breyta tveimur dvalarrýmum í tvö hjúkrunarrými.

Fram kemur í svarinu að velferðarráðuneytið hafnar erindinu en bendir á möguleika á að breyta tveimur dvalarrýmum í eitt hjúkrunarrými, eins og áður hefur verið gert.

Framkvæmdastjóri ÖA, Halldór S. Guðmundsson, lagði fram til kynningar leyfisbréf dagsett 19. desember 2017 vegna vínveitinga til handa Öldrunarheimilum Akureyrar.

Lögð fram drög að umsögn vegna frumvarps til laga um þjónustu við fatlað fólk með miklar þjónustuþarfir.

Lögð fram drög að umsögn vegna frumvarps til laga um breytingu á lögum um félagsþjónustu sveitarfélaga.

Lagt fram yfirlit um úthlutun leiguíbúða á árinu 2017 og stöðu biðlistans um áramót. Magnús Valur Axelsson húsnæðisfulltrúi sat fundinn undir þessum lið.

Lagt fram yfirlit yfir útgjöld vegna sérstaks húsnæðisstuðnings á árinu 2017.

Magnús Valur Axelsson húsnæðisfulltrúi sat fundinn undir þessum lið.

Lögð fram beiðni um endurnýjun samstarfssamnings.

Lagt fram minnisblað dagsett 15. janúar 2018 vegna endurskoðunar á húsnæðisáætlun Akureyrarbæjar þar sem lagt er til að keypt verði sérfræðivinna við endurskoðunina.

Lögð fram tillaga um hækkun tímagjalds vegna NPA-þjónustu um 3,5% úr kr. 3.241 á klst. í kr. 3.355 frá og með 1. janúar 2018. Hækkunin miðast við áætlaða hækkun launakostnaðar á árinu 2018 í forsendum fjárhagsáætlunar Akureyrarkaupstaðar. Gert var ráð fyrir hækkuninni í tillögu að fjárhagsáætlun ársins 2018.

Karólína Gunnarsdóttir forstöðumaður sat fundinn undir þessum lið.

Lögð fram ósk sviðsstjóra búsetusviðs um 11 m.kr. aukafjárveitingu vegna tímabundins verkefnis í heimaþjónustu. Verkefnið verður unnið í nánu samstarfi við heimahjúkrun Heilbrigðisstofnunar Norðurlands. Samstarfssamningur er í vinnslu.

Jón Hrói Finnsson sviðsstjóri búsetusviðs kynnti innleiðingu eftirlitsbúnaðar í tilraunaskyni í skammtímavistunarúrræði sem rekið er í búsetukjarnanum í Þrastarlundi skv. þróunar- og samstarfssamningi við Símann.