Skipulagsnefnd

Sveitarfélögin á skipulagssvæðinu reka sameiginlega einkahlutafélagið Flokkun ehf., sem annast stefnumótun og áætlunargerð um meðhöndlun úrgangs á svæðinu, ásamt endurskoðun á gildandi svæðisáætlun um meðhöndlun úrgangs 2005-2020. Hlutverk félagsins er einnig að fjalla um framtíðar fyrirkomulag á endurvinnslu og förgun úrgangs á svæðinu.
Skipulagsnefnd telur að efniskafli um sorpmál eigi að vera hluti af svæðisskipulagi Eyjafjarðar 2011-2023 þó svo að sameiginlegur urðunarstaður í Eyjafirði sé ekki í augsýn og verði ekki skilgreindur í svæðisskipulaginu sem nú er í endurskoðun.
Skipulagsnefnd telur nauðsynlegt að í skipulagslýsingunni komi fram stefna hins sameiginlega félags um hvernig sorpmálum verði háttað á svæðinu til lengri tíma litið og að gerðar verði tillögur um samræmda meðhöndlun úrgangs, þ.m.t. flokkun almenns sorps.

Skipulagsnefnd tekur jákvætt í framlagða tillögu og felur skipulagsstjóra að afgreiða byggingarleyfi þegar umsókn um það berst.

Skipulagsnefnd fagnar því að stofnuð hafi verið nefnd er móti stefnu um lagningu raflína í jörð sem nú eru ofanjarðar og þau sjónarmið sem taka beri mið af.
Skipulagsnefnd telur að sérstaklega beri að skoða aðstæður í og næst þéttbýli og alþjóðaflugvelli með það í huga að allar raflínur 220 kV og minni verði settar í jörð.

Að öðru leyti er vísað í meðfylgjandi greinargerð sem svar við erindinu.

Skipulagsnefnd felur skipulagsstjóra að setja í gang vinnu við endurskoðun deiliskipulagsins í samræmi við umræður á fundinum.

Skipulagsnefnd tekur jákvætt í tillögur að stækkunaráætlun Becromal Iceland ehf., í Krossanesi sem eru í samræmi við staðfest deiliskipulag svæðisins. Skipulagsnefnd felur skipulagsstjóra að afgreiða byggingarleyfi þegar umsókn um það berst.

Eftir nýafstaðið uppboð eru komnir nýir eigendur að lóðunum og má því gera ráð fyrir að framkvæmdir fari af stað á ný. Ef ekki, verður hægt að gera kröfu til nýrra eigenda um úrbætur ef í ljós kemur að öryggismálum sé ábótavant.

Um áramótin 2008-2009 var farið í átak varðandi öryggisaðbúnað m.a.  á umræddum byggingalóðum. Þær úrbætur voru nægjanlegar að mati skipulagsnefndar og þannig útfærðar að ekki ætti að skapast hætta af. Þar sem talsverður tími er síðan grafið var út fyrir grunnum hefur í millitíðinni sest að ýmis gróður í jarðvegshaugana og má segja að þeir séu nú meira og minna grónir. Því er ekki mælt með að hróflað verði við þeim nema að framkvæmdir hefjist á ný, því slíkt kallar á moldarfok með tilheyrandi óþægindum fyrir íbúa við Mýrartún og Kjarnagötu. Að öðru leyti er vísað til bréfs dagsetts 8. júlí 2009 sem svars við fyrirspurninni.

Skipulagsnefnd heimilar umsækjanda að leggja fram tillögu að breytingu á deiliskipulagi. Breytingin verði unnin í samræmi við 3. mgr. 44. gr. skipulagslaga nr. 123/2010.

Í gangi er vinna við breytingu á deiliskipulagi Brekkuskóla og nágrenni þar sem m.a. verður fjallað um umferðarmál svæðisins. Á þessari stundu er ekki hægt að segja til um hvort gerðar verði breytingar á umferðarmálum svæðisins. Þegar sú tillaga liggur fyrir mun hún verða auglýst með sex vikna athugasemdafresti.

Engar sérstakar lóðir hjá sveitarfélaginu eru eyrnarmerktar fyrir hundagæslu en talsvert er til af iðnaðar- og atvinnulóðum í Nesjahverfi og við Sjafnargötu sem gætu hentað undir slíka starfsemi. Nánari upplýsingar fást hjá skipulagsdeild og Fasteignum Akureyrarbæjar.

Lagt fram til kynningar.

Lagt fram til kynningar.