Afgreiðslufundur skipulagsstjóra

Erindi dagsett 23. maí 2012 þar sem Stefán Steingrímsson og Malee Vita sækja um að gera bílastæði fyrir tvo bíla framan við húsið að Norðurgötu 48. Meðfylgjandi er afstöðumynd.

Erindi dagsett 24. apríl 2012 þar sem Steinmar H. Rögnvaldsson f.h. Bjarna L. Thorarensen sækir um leyfi til að byggja vélageymslu við eldra hús á lóðinni Sjávargötu 1 (Eyrúnarskúr) ásamt því að reisa tjaldskemmu til bráðabigða. Meðfylgjandi eru teikningar og gátlisti eftir Steinmar H. Röngnvaldsson. Innkomnar nýjar teikningar 29. maí 2012 ásamt samþykki nágranna.
Sótt er um undanþágu frá nýrri byggingarreglugerð nr. 112/2012:
1) Gr. 6.1.3. Kröfur um algilda hönnun, lið h.
2) Gr. 6.7.2. Algild hönnun.
3) Gr. 13.2.1. til 13.3.3. Varðandi útreikning heildarleiðnitaps, heildarorkuþarfar og hámarks U-gilda byggingarhluta.

Erindi móttekið 23. maí 2012 þar sem Anton Örn Brynjarsson f.h. Íslenska Gámafélagsins, kt. 470596-2289, óskar eftir leyfi til breyttrar starfsemi í húsi nr. 3 við Réttarhvamm sbr. meðfylgjandi teikningu eftir Hauk Haraldsson.

Erindi dagsett 5. janúar 2012 þar sem Ingólfur Guðmundsson f.h. Tis ehf., kt. 620905-1270, sækir um byggingarleyfi fyrir breytingum á áður samþykktum teikningum á 5. hæð að Skipagötu 14. Meðfylgjandi eru teikningar eftir Loga Má Einarsson. Innkomin ný teikning 24. maí 2012.

Erindi dagsett 23. maí 2012 þar sem Margrét Guðmundsdóttir og Þórarinn Hjartarson sækja um stækkun á lóð nr. 17 við Spítalaveg í samræmi við núgildandi deiliskipulag. Jafnframt er óskað eftir útmælingu á lóðarmörkum að sunnan.

Erindi dagsett 2. maí 2012 þar sem Sveinn Fannar Ármannsson f.h. Centrum ehf., kt. 490212-0430, sækir um leyfi til að setja upp veggi og sturtur til að breyta rýmum á 2. hæð í bakpokagistingu að Hafnarstræti 102. Meðfylgjandi er grunnmynd. Innkomin ný teikning 29. maí 2012. Óskað er eftir undanþágu frá nýrri byggingareglugerð nr. 112/2012:
1. Gr. 6.4.4. Vegna 2ja ganga sem eru 132x557 sm og 132x211 sm að stærð.
2. Vegna breiddar salernis fyrir fatlaða.

Erindi dagsett 29. maí 2012 þar sem Ingvar Ívarsson f.h. Árna Hólm Þormóðssonar og Huldu Jónsdóttur sækir um að gera bílastæði fyrir tvo bíla á lóð sinni nr. 23 við Gránufélagsgötu. Meðfylgjandi er afstöðumynd og lóðarteikning.