02.05.2024 - 13:35 Almennt|Fréttir frá Akureyri Ragnar Hólm Lestrar 146

Skíðasvæðið opið í 113 daga og gestir tæplega 90 þúsund

Mynd af heimasíðu Hlíðarfjalls.

Síðasta laugardag lauk formlegri opnun Hlíðarfjalls þennan veturinn á lokadegi Andrésar Andarleikanna sem tókust frábærlega með metþátttöku.

Skíðavertíðin hófst snemma í desember með flottum aðstæðum á gönguskíðasvæðinu og lyfturnar voru ræstar skömmu fyrir jól. Snjóalög héldust nokkuð góð í allan vetur og þegar mars gekk í garð byrjaði að snjóa hressilega sem dugði út apríl.

Skíðasvæðið var í heildina opið í 113 daga og gestafjöldi fór vel yfir 87 þúsund sem er mun meira en verið hefur síðustu ár.

Ennþá er talsverður snjór á svæðinu og skíðaæfingar halda áfram um sinn. Gönguskíðasvæðið verður troðið áfram á mánudögum og föstudögum meðan aðstæður leyfa.

Til baka

Des Nóv Okt Sep Ágú Júl Jún Maí Apr Mar Feb Jan