Bæjarstjórnarfundur unga fólksins 2022-2026

Rætt var um frestun bæjarstjórnarfundarins og líklega dagsetningu fyrir nýjan fund. Flestir fulltrúanna voru ánægðir með að fundinum hafi verið frestað, öll gerðu sér grein fyrir mikilvægi fundarins og að mæta vel undirbúin til leiks. Farið var yfir helstu niðurstöður frá Stórþinginu og þær settar í samhengi við undirbúning fyrir fundinn, t.d. varðandi ræður og önnur málefni sem Ungmennaráðið vill vekja athygli á eða fá svör við á bæjarstjórnarfundinum. Karen sýndi þeim vinnuskjal með niðurstöðunum og ætlar að deila því með þeim.

Áframhald af umræðum í undirbúningi fyrir bæjarstjórnarfund unga fólksins og ákveðið hvaða dagsetning væri hentugust, 9. maí varð fyrir valinu þrátt fyrir að fyrirséð væri að tveir fulltrúar kæmust ekki.

Lögð fram til umræðu fundargerð bæjarstjórnarfundar unga fólksins dagsett 9. maí 2023.

Fyrsti undirbúningur fyrir bæjarstjórnarfund unga fólksins. Dagsetning var ákveðin, 21. mars nk., fulltrúar ræddu um tillögur að málefnum og ákveðið var að Felix yrði í hlutverki fundarstjóra, þ.e. forseti bæjarstjórnar.

Rætt var um mikilvægi þess að fylgja málum eftir og ganga úr skugga um að þau færu í réttan farveg.

Staðan tekin varðandi undirbúning fyrir bæjarstjórnarfund unga fólksins þann 21. mars. Nokkrar flottar hugmyndir komu fram og rætt var um ýmsa möguleika, allt á réttri leið.

Ungmennaráð leggur til 17. apríl sem nýja dagsetningu fyrir bæjarstjórnarfund unga fólksins og felur umsjónarmanni að kanna það hjá bæjarstjórn.

Rætt um undirbúning, stöðu á erindum og fleira.

Lögð fram til umræðu fundargerð bæjarstjórnarfundar unga fólksins dagsett 16. apríl 2024.

Liður 2 í fundargerð bæjarráðs dagsettri 24. apríl 12024:

Lögð fram til umræðu fundargerð bæjarstjórnarfundar unga fólksins dagsett 16. apríl 2024.

Bæjarráð lýsir yfir ánægju með bæjarstjórnarfund unga fólksins sem haldinn var 16. apríl sl. og þakkar ungmennaráði fyrir góðar og gagnlegar umræður.

Bæjarráð samþykkir að vísa liðum 1, 6 og 7, varðandi hlutverk nemendaráða, sálfræðiþjónustu og fræðslumál í grunnskólum, til fræðslu- og lýðheilsuráðs. Jafnframt vísar bæjarráð liðum 3, 10 og 13, varðandi ruslamál, viðhald á ljósastaurum og gangbrautum og LED-væðingu, til umhverfis- og mannvirkjaráðs. Þá tekur bæjarráð undir mikilvægi þess að kynna betur tómstundaframboð og frístundastyrk í samræmi við lið 11 í fundargerðinni og felur sviðsstjóra þjónustu- og skipulagssviðs og sviðsstjóra fræðslu- og lýðheilsusviðs að vinna málið áfram.


Eiríkur Jónasson verkefnastjóri viðhalds gatna, Jónas Valdimarsson verkefnastjóri hönnunar og Jón Birgir Gunnlaugsson verkefnastjóri umhverfismála sátu fundinn undir þessum lið.