Deiliskipulag Rangárvalla, niðurstaða bæjarstjórnar

Deiliskipulag Rangárvalla, niðurstaða bæjarstjórnar

Bæjarstjórn Akureyrarbæjar hefur þann 7. apríl 2020 samþykkt deiliskipulagsbreytingu í samræmi við 3. mgr. 41. gr. skipulagslaga nr. 123/2010.
Breytingin nær að mestu til lóðar Landsnets sem er nr. 1 við Rangárvelli en einnig til svæðis sunnan lóðarinnar að Hlíðarfjallsvegi.
Í breytingunni er afmarkað lagnabelti fyrir flutningslínur raforku í stað nákvæmrar legu hverrar línu, lóð nr. 1 er stækkuð til vesturs í samræmi við heimild í gildandi skipulagi, nýjir byggingarreitir eru afmarkaðir á lóð nr. 1 fyrir tengivirki, hámarkshæð mannvirkja á lóð nr.1 verður 15 m í stað 6,6 m, sett er inn tákn/afmörkun spenna og lagnabelti þvert yfir endurnýtingarsvæði og Liljulund er fellt út.
Tillagan var auglýst frá 29. janúar til 12. mars 2020. Ein athugasemd barst sem leiddi ekki til breytinga á skipulaginu. Deiliskipulagið hefur verið sent Skipulagsstofnun og tekur það gildi með auglýsingu í B-deild Stjórnartíðinda.
Þeir sem óska nánari upplýsinga um tillöguna og niðurstöðu bæjarstjórnar, geta snúið sér til skipulagssviðs Akureyrarbæjar, Geislagötu 9, 3. hæð.

16. apríl 2020
Sviðsstjóri skipulagssviðs