Yfirlit frétta

Í dag voru undirritaðir rekstrar- og þjónustusamningar Akureyrarbæjar við Skautafélag Akureyrar sem lúta að rekstri Skautahallarinnar og faglegu starfi Skautafélagsins. Hefur Akureyrarbær þar með endurnýjað rekstarsamninga við öll þau íþróttafélög sem sjá um rekstur íþróttamannvirkja sem Akureyrarbær á að hluta eða öllu leyti.

Hluti Brekkunnar verður án rafmagns aðfaranótt föstudags vegna vinnu við dreifikerfi Norðurorku eða frá kl. 23 fimmtudaginn 25. janúar til kl. 6 á föstudagsmorgun eða meðan á vinnu stendur.

Laugardaginn 27. janúar kl. 15 verða þrjár sýningar opnaðar í Listasafninu á Akureyri: Alexander Steig – Steinvölur Eyjafjarðar, Guðný Kristmannsdóttir – Kveikja, og Sigurður Atli Sigurðsson – Sena. Boðið verður upp á listamannaspjall með Alexander Steig og Sigurði Atla kl. 15.45 og er stjórnandi Hlynur Hallsson, safnstjóri Listasafnsins. Haldið verður listamannaspjall með Guðnýju Kristmannsdóttur laugardaginn 3. febrúar kl. 15 og boðið upp á fjölskylduleiðsögn um sýningarnar þrjár sunnudaginn 24. mars kl. 11-12.

Bæjarstjórn Akureyrarbæjar hefur samþykkt að hefja vinnu við breytingu á aðalskipulagi bæjarins í tengslum við byggingu á nýjum leikskóla í Hagahverfi. Fyrsta skrefið í þeirri vinnu er kynning á skipulagslýsingu fyrir verkefnið.

Bæjarstjórn Akureyrarbæjar kynnir hér með skv. 1. mgr. 41. gr. skipulagslaga nr. 123/2010 tillögu að breytingu á deiliskipulagi fyrir lóðirnar Hafnarstræti 80 og 82.

Í dag voru endurnýjaðir til fimm ára rekstrar- og þjónustusamningar milli Akureyrarbæjar og fjögurra aðildarfélaga ÍBA.

Nú líður að því að álagning fasteignagjalda verði birt í þjónustugátt Akureyrarbæjar en fyrsti gjalddagi er um næstu mánaðamót. Hægt er að grennslast fyrir um álagninguna með því að nota til þess gerða reiknivél á heimasíðunni.

Akureyrarbær auglýsir eftir tilboðum í byggingarrétt par- og raðhúsalóða í Holtahverfi, á svæði milli Krossanesbrautar og smábátahafnarinnar í Sandgerðisbót. Um er að ræða flottar lóðir á svæði þar sem uppbygging er hafin og eru allar lóðirnar byggingarhæfar.