Myndin er úr frétt Norðurorku á heimasíðu þeirra
Föstudaginn 27. september gætu íbúar og vegfarendur á Oddeyrinni orðið varir við drónaflug yfir svæðinu. Þar verður á ferðinni dróni á vegum Norðurorku með hitamyndavél í þeim tilgangi að lekaleita svæðið.
Um tilraunaverkefni er að ræða og hefur Norðurorka samið við ÍSOR (Íslenskar orkurannsóknir) um að framkvæma verkið næstkomandi föstudag ef veður leyfir. Lekaleitin byggir m.a. á því að hitamunur sé í jarðvegi þar sem leki er á vatnslögnum þó að ýmis atriði geti haft áhrif á mælinguna.
Í þessari frétt á vef Norðurorku má finna nánari upplýsingar.